Məxfilik siyasəti
Son yenilənmə: 2 noyabr 2026
1. Məlumatın sahibi kimdir
Platformada iki ayrı rol var və bunu ayırd etmək vacibdir:
- Satıcı — öz mağazasına sifariş verən alıcıların məlumatlarının sahibidir. Həmin məlumatların necə istifadə olunduğuna satıcı cavabdehdir.
- inSatApp — bu məlumatları satıcının adından saxlayan və emal edən texniki tərəfdir. Onları öz məqsədləri üçün istifadə etmir.
2. Satıcı haqqında toplanan məlumat
- e-poçt ünvanı və şifrə (şifrə şifrələnmiş formada saxlanılır, oxunmur);
- "Google ilə davam et" ilə daxil olursansa, şifrə yaradılmır: Google bizə adını, e-poçt ünvanını, profil şəklinin linkini və Google hesabının identifikatorunu ötürür;
- ad, soyad və telefon nömrəsi (mağaza yaradılanda soruşulur);
- mağaza məlumatları: ad, link, təsvir, loqo, üz qabığı şəkli, şəhər, əlaqə nömrələri, Instagram/WhatsApp hesabları, çatdırılma qeydi;
- Telegram bildirişi qoşulubsa — Telegram söhbət nömrəsi (`chat_id`);
- əlavə edilən məhsullar və şəkillər.
3. Alıcı haqqında toplanan məlumat
Alıcı üçün hesab yaradılmır. Sifariş verərkən toplanan məlumat:
- ad;
- telefon nömrəsi;
- çatdırılma ünvanı;
- sifarişə əlavə edilən qeyd;
- sifariş məzmunu: məhsullar, sayı, qiymət, ödəniş üsulu.
Telefon nömrəsi üzrə həmin mağaza daxilində müştəri kartı yaradılır: neçə sifariş verildiyi və ümumi məbləğ. Bu kartı yalnız həmin mağazanın satıcısı görür.
Səbət brauzerində saxlanılır. Sən sifarişi göndərənə qədər səbətin məzmunu heç bir serverə ötürülmür.
Sifarişlərin siyahısı da brauzerində saxlanılır. Bu telefondan verdiyin sifarişlərin qısa qeydi (mağaza, tarix, məhsul sayı və sifariş səhifəsinin linki) sənin brauzerində qalır ki, "Sifarişlərim" bölməsində onlara yenidən baxa biləsən. Bu bölməni açanda sifarişlərin cari statusunu göstərmək üçün yalnız həmin sifarişlərin linkləri serverə göndərilir; server onları saxlamır və bu siyahıdan heç bir profil yaratmır. Brauzer məlumatlarını təmizləsən, siyahı silinir.
4. Məlumat nə üçün istifadə olunur
- sifarişin satıcıya çatdırılması və icrası;
- satıcıya öz satış statistikasını və müştəri tarixçəsini göstərmək;
- ümumi vitrində "Populyar məhsullar"ı sıralamaq — son 30 gündə hər məhsula neçə fərqli alıcının sifariş verdiyi ümumi say kimi hesablanır; kimin nə aldığı heç kimə göstərilmir;
- satıcıya platformadakı yeniliklər və dəyişikliklər barədə e-poçt göndərmək. Bu məktublar insatapp.destek@gmail.com ünvanından gizli nüsxə (BCC) ilə gedir, ona görə satıcılar bir-birinin ünvanını görmür. Almaq istəmirsənsə, məktuba cavab yazmağın kifayətdir;
- hesaba giriş və təhlükəsizlik;
- texniki problemlərin araşdırılması.
Məlumatlar reklam məqsədilə istifadə olunmur, satılmır və üçüncü şəxslərə marketinq üçün verilmir.
5. Kim nəyi görür
Hər satıcı yalnız öz mağazasının sifarişlərini və müştərilərini görür. Bu, verilənlər bazası səviyyəsində texniki olaraq məhdudlaşdırılıb — bir satıcının digərinin məlumatlarına çıxışı yoxdur.
Mağaza məlumatları açıqdır. Mağazanın adı, linki, loqosu, üz qabığı, təsviri, şəhəri, çatdırılma qeydi, Ayarlar-da yazılan əlaqə nömrələri, WhatsApp və Instagram hesabı, eləcə də aktiv məhsulları mağaza səhifəsində və ümumi vitrində hamıya göstərilir. Satıcının hesab e-poçtu və şəxsi telefon nömrəsi göstərilmir.
Platformanın texniki heyəti xidmətin işləməsi və problemlərin həlli üçün lazım olduqda məlumatlara texniki çıxışa malikdir.
6. Üçüncü tərəf xidmətləri
Platforma aşağıdakı xidmətlərdən istifadə edir:
- Supabase — verilənlər bazası, hesab idarəetməsi və şəkil saxlancı. Yuxarıda sadalanan bütün məlumatlar orada saxlanılır.
- Vercel — saytın hostinqi və ziyarət statistikası. Texniki jurnal qeydləri (IP ünvan, brauzer məlumatı) qısa müddət saxlanıla bilər. Statistika (baxılan səhifə, haradan keçid edildiyi, ölkə, brauzer və cihaz növü) kukisiz və yalnız ümumi saylar şəklində toplanır: ziyarətçini tanımır və başqa saytlarda izləmir.
- Telegram — satıcı bildiriş qoşubsa, yeni sifarişin məzmunu (alıcının adı, telefonu, məhsullar və məbləğ) Telegram serverləri vasitəsilə satıcıya göndərilir.
- Cloudflare Turnstile — sifariş, giriş, qeydiyyat və şifrə bərpası formalarında robot yoxlaması. Bu səhifələr açılanda yoxlama üçün brauzer və bağlantı məlumatları (məsələn, IP ünvan) Cloudflare-ə ötürülür.
- Google — "Google ilə davam et" düyməsi. Giriş və qeydiyyat səhifələri açılanda düymə Google-dan yüklənir və bunun üçün brauzer və bağlantı məlumatları (məsələn, IP ünvan) Google-a ötürülür; düyməni basıb hesabını seçəndə Google 2-ci bölmədə sadalanan məlumatları bizə göndərir. Dəstək yazışmaları və satıcılara göndərilən xəbər məktubları da insatapp.destek@gmail.com (Gmail) hesabı vasitəsilə aparılır.
7. Kukilər
Yalnız hesaba girişi saxlamaq üçün texniki kuki istifadə olunur. İzləmə, analitika və reklam kukisi yoxdur; ziyarət statistikası kukisiz işləyir. Giriş və qeydiyyat səhifələrindəki Google düyməsi Google-un öz kukilərindən istifadə edə bilər.
8. Saxlanma müddəti
Sifariş və müştəri məlumatları mağaza mövcud olduğu müddətdə saxlanılır. Satıcı hesabını silsə, mağazaya aid bütün məlumatlar — məhsullar, şəkillər, sifarişlər və müştəri kartları — silinir.
9. Hüquqların
Öz məlumatlarının nüsxəsini almaq, düzəltmək və ya silinməsini tələb etmək hüququn var.
Alıcısansa və sifariş verdiyin mağazadan məlumatlarının silinməsini istəyirsənsə, əvvəlcə həmin satıcıya müraciət et — məlumatların sahibi odur. Cavab ala bilmirsənsə, bizimlə əlaqə saxla.
10. Uşaqlar
Platforma 18 yaşadək şəxslər üçün nəzərdə tutulmayıb və onlardan bilərəkdən məlumat toplanmır.
11. Dəyişikliklər və əlaqə
Bu siyasət yenilənə bilər; yenilənmə tarixi yuxarıda göstərilir. Suallar və məlumatla bağlı müraciətlər üçün: insatapp.destek@gmail.com